जनता समाजवादी पार्टी (जसपा) ले आफ्ना तीन मन्त्री फिर्ता बोलाएको छ ।
पार्टीले भौतिक पूर्वाधार तथा यातायातमन्त्री रेणुकुमारी यादव, वनमन्त्री राम सहायप्रसाद यादव र कृषिमन्त्री महिन्द्राराय यादवलाई फिर्ता बोलाएर नयाँ मन्त्री सिफारिस गरेको छ ।
जसपाका अध्यक्ष उपेन्द्र यादवले आइतबार साँझ प्रधानमन्त्री शेरबहादुर देउवालाई भेटेर मोहम्मद इश्तियाक राईलाई भौतिक पूर्वाधार तथा यातायातमन्त्री, प्रदीप यादवलाई वनमन्त्री र मृगेन्द्रकुमार सिंहलाई कृषिमन्त्रीमा सिफारिस गरेको प्रधानमन्त्री देउवा निकट स्रोतले बताएको छ । सेतोपाटी संग।
पार्टीले सङ्घीय मामिला तथा सामान्य प्रशासनमन्त्री राजेन्द्रप्रसाद श्रेष्ठलाई निरन्तरता दिने निर्णय गरेको छ ।
मन्त्री नियुक्तिका लागि सिफारिस गर्दा ६ महिनापछि फिर्ता बोलाउने सहमति भएको थियो । नेकपा (एकीकृत समाजवादी)ले भर्खरै आफ्नो पार्टी परिवर्तन गरेपछि मन्त्री परिवर्तनको दबाब बढेको हो ।
पार्टी फुट्ने संघारमा रहेका बेला यादवले मन्त्री हेरफेर गरेका हुन् । यादव र सङ्घीय परिषद्का अध्यक्ष बाबुराम भट्टराईले पार्टी विभाजनपछि कसलाई भित्र्याउने भन्ने निर्णय पार्टीका सांसदहरूलाई स्वतन्त्र छोडेर सौहार्दपूर्ण विभाजनका लागि सहमति जनाएका छन् ।
प्रकाशित मिति: सोमबार, जुलाई ४, २०२२, १०:२६:००