दक्षिण ललितपुरको आश्राङ स्वास्थ्य चौकीको भवन लथालिङ, कर्मचारी अभावका कारण सेवा बन्द


स्वास्थ्य चौकीको ढोका भत्केको झ्याल ।

ललितपुर खबर
४ साउन ०७९, चापागाँउ । दक्षिण ललितपुरको आश्राङ स्वास्थ्य चौकीमा जव झरि पर्छ कोठाभित्र बसेर छाता ओड्नु पर्छ । छत चुहिएर कोठाभरिको पानी सोहर्न स्वास्थ्यकर्मीको काम हुन्छ । साँझ फर्कदा स्वास्थ्य चौकीको ढोका लगाउनु नै पर्दैन । झ्याल ढोका भत्केर ह्वाङै छ ।
स्वास्थ्य चौकीमा काम गर्ने एक कर्मचारीका अनुसार गर्मीमा यहाँ लामखुट्टे पसेर बस्नुखानु हुँदैन । विजुली बत्ती छैन । रात परेपछि भर्ना भएका सुत्केरीलगायतका विरामी जाँच गर्न कर्मचारीहरु मोवाइल बाल्छन् ।
हिउदमा हुरी बतासले समेत स्वास्थ्य चौकीमा सास्ती दिन्छ । पहाडको बीचमा रहेको यस स्वास्थ्य चौकीमा सर्पको समेत डर हुने कर्मचारीहरु बताउछन् ।
एक स्थानीयले राजनीतिक खिचातानीले यो स्वास्थ्य चौकीको भवन निर्माण नभएको बताए । उनले भने,‘विजुली पनि जडान हुन्थ्यो । राजनीतिले विर्गा¥यो ।’
पछिल्लो केही दिनदेखि अस्पतालको भवन मात्रै होइन कर्मचारी नहुँदा अत्यावश्यकीय सेवा समेत बन्द भएको छ । वागमती गाँउपालिकामा नयाँ जनप्रतिनिधि निर्वाचित भएर आएसँगै ११ जना कर्मचारीको करार नविकरण भएन । १३ बर्षदेखि आश्राङ स्वास्थ्य चौकीका कार्यरत अनमी विमला सञ्जेलको करार नविकरण नहुँदा सेवा बन्द भएको हो ।

छत चुहिएर ढुसी परेको छत ।

दक्षिण ललितपुरको बाग्मती गाउँपालिकाले केही दिनअघि विभिन्न शाखाका ११ जना करार कर्मचारीहरुलाई हटाउने निर्णय गरेको थियो ।
बाग्मती ६ आश्राङमा स्वास्थ्य चौकीमा कार्यरत वर्थिङ अनमी विमला कार्कीलाई पनि गाउँपालिकाले हटाएपछी दैनिक रुपमा सञ्चालन भईरहेका ५ वटा सेवा बन्द भईरहेका हुन् । स्वाथ्य चौकी प्रशासनका अनुसार अनुभवी कर्मचारी हटाउँदा सुरक्षित मातृत्व, मासिक तथा वार्षिक प्रतिवेदन, सुरक्षित गर्भपतन,परिवार नियोजन,स्त्रीरोग सम्बन्धी सेवा बन्द भएका हुन् ।
स्वास्थ्य चौकीका अहेव उद्धव घिमिरेले अनुभवी कर्मचारीलाई हटाउँदा अब त्यही लेभलको कर्मचारी तयार पार्न लामो समय लाग्ने बताए ।
उपत्यकाकै कर्णालीको रुपमा चिनिने आश्राङजस्तो दुर्गम ठाँउमा बसेर काम गर्ने कर्मचारी पाउन मुस्किल हुने एक स्थानीयले बताए । उनका अनुसार बाहिरबाट कर्मचारी आएपछि तिज दशै तिहार भन्दै विदा लिएर जान्छन् । साँझ विहान राती चाडपर्वलगायत समयमा बसेर कसैले सेवा दिदैन । एक एथानीयले भने, ‘मर्ने यहीका जनता हुन् ।’
यहाँ चौविसै घण्टा बसेर स्थानीय विमला सञ्जेलले काम गरेकी थिइन् । राज्यले उनलाई १३ वर्षदेखि विभिन्न तालिम दिएर ल गानी गरेको थियो । विमलाजस्तो अनुभवी र दक्ष स्वास्थ्यकर्मी बनाउन आश्राङ स्वास्थ्य चौकीलाई लामो समय लाग्ने स्थानीय बताउछन् ।
विमलीले विभिन्न समयमा करिव १५ वटाभन्दा धेरै तालिम लिएको बताउछन् ।
यस हेल्पपोष्टमा सेवा लिन दक्षिण ललितपुरको ठूलादुलुङ,गिम्दी आश्राङ र प्युटारसँगै उत्तरी मकवानपुरको चञ्थली मञ्थलीलगायतका ठाँउबाट हजारौ विरामी आउछन् ।
आश्राङसँगै प्युटारस्थित थाङसि ङटार अस्पतालमा प्रसुतीलगायतको सेवा भए पनि पर्याप्त र भरपर्दो सेवा नहुँदा धेरै विरामी आश्राङ नै पुग्ने गर्दथे ।
यस अस्पतालमा गाँउपालिकाका अध्यक्ष विरबहादुर लोप्चनका छोरा डाक्टर सूर्यकिरण लामा छन् । उनले डेलिभरीसम्बन्धि पर्याप्त तालिम नलिएको एक स्थानीय बताउछन् । आश्राङवरपर क्लिनिक र फार्मेसीलगायत केही पनि छैनन् ।

अस्पताल प्रशासनले वडा कार्यालय र गाँउपालिकालाई कर्मचारी अभाव भएको भन्दै पत्र लेखेको छ ।





Source link

Leave a Comment