तेजाब – HamroAwaj


म के छेप्थेँ तेजाब तिमीलाई ?
पोल्दा तेजाबले तिमीलाई,
दुख्छु म आफैँ !
तेजाब त तिमीले पो छेप्यौ,
तिरस्कारको तेजाब, मेरो मुटुमा,
भतभती पोल्यो मलाई,
तर, जाती भयो !
बुझें मैले,
मलाई पोल्दा, तिमीलाई नदुख्दोरहेछ ।

सँगैमा रहँदा होस् वा साथमा नहुँदा,
मेरा लागि त तिमी सधैं मेरी हौ, मुटु हौ,
आफ्नै मुटु,
कसरी तेजाबले जलाउन सकुँला र म ?

तेजाब, त तिमीले पो छेप्यौ,
तिरस्कारको तेजाब, मेरो मुटुमा,
भतभती पोल्यो मलाई,
तर, जाती भयो !
बुझें मैले,
मलाई पोल्दा, तिमीलाई नदुख्दोरहेछ ।
मलाई पोल्दा, तिमीलाई नदुख्दोरहेछ ।





Source link

HamroAwaj

2022-08-06 21:00:32

Leave a Comment