राजनीतिमा विचारवान युवा पुस्ता छैन : झलनाथ खनाल – HamroAwaj


२४ भदौ, पोखरा । नेकपा एकीकृत समाजवादीका नेता झलनाथ खनालले राजनीतिमा युवा पिँढी तयार नभइसकेको बताएका छन् । शुक्रबार समाजवादी प्रेस संगठन कास्कीले पोखरामा गरेको पत्रकार भेटघाट कार्यक्रममा उनले विचारवान युवापुस्ता राजनीतिमा नआइसकेको बताएका हुन् ।

‘मलाई के लागेको छ भने यो देशमा विचारवान नयाँ पिँढी बनिसकेको छैन । विचारवान पिँढी आजको आवश्यकता हो । साँच्चै हो, युवाहरुले नेतृत्व लिनुपर्छ । तर, विचारवान हुनुपर्छ,’ उनले प्रश्न गरे, ‘उमेर भएको, एकदम १६ वर्षे युवालाई जिम्मेवारी दियो भने काम गर्न सक्छ ?’

खनालले राजनीतिमा युवामात्रै नभएर दृष्टिकोणसहितको युवा हुनुपर्ने जिकिर गरे । ‘त्यस्तो कोही युवा कोही आउँछ भने एकदम जिम्मेवारी पूरा गर्न सक्छ,’ उनले भने ।

खनालले आफू पनि राजनीतिमा युवाको उपस्थिति हुनुपर्ने पक्षमा रहेको बताए । उनले युवालाई नेतृत्व दिन नै तत्कालीन नेकपा एमालेको नवौं महाधिवेशनमा ७० वर्षे उमेर हदबन्दी विधानमै राखेको उदाहरण दिए ।

खनालले आफूलाई राजनीतिमा कुनै पद नचाहिने तर, विचार दिन सक्दासम्म सक्रिय रहने बताए ।





Source link

HamroAwaj

2022-09-09 20:44:44

Leave a Comment