डेंगु संक्रमितलाई उपचारको व्‍यवस्था गर्न सरकारसँग माग – HamroAwaj


३१ भदौ, काठमाडौं । सत्तासाझेदार नेकपा माओवादी केन्द्रका सांसद मायाप्रसाद शर्माले डेंगु रोगका संक्रमितहरुलाई औषधि उपचारको आवश्यक व्यवस्था मिलाउन सरकारसँग माग गरेका छन् ।

शुक्रबार राष्ट्रियसभा बैठकमा विशेष समय लिएर बोल्दै सांसद शर्माले डेंगु रोगका संक्रमितहरुको उपचार र महामारीको रुपमा फैलिएको यस रोगको नियन्त्रणमा मेहनत गर्न पनि सरकारको गम्भिर ध्यानाकर्षण गराए ।

उनले दर्जनौं मानिसहरुको ज्यान लिईसकेको सो रोग नियन्त्रणका लागि सरकारले पहल गर्न ढिलाई गरिरहेको भन्दै आपत्तिसमेत जनाए ।

सांसद शर्माले भने, ‘डेंगु रोग एउटा भयावह स्थितिमा आएको छ । १२ हजारभन्दा बढि मान्छेहरुलाई प्रभावित बनाएको सूचनाहरु दर्जनौं मानिसहरु दिवंगत भएको सूचनाहरु प्राप्त भएका छन । र, यसको उपचारका लागि सरकारले पहल गर्ने कुरामा ढिलाई किन गराएको छ ? यसको सचेत पहल गरोस् । औषधि उपचारको बारेमा सबै पहलकदमी अगाडि बढाउन मेहनत गरोस् । र, नियन्त्रणमा लागि जोड गरोस् ।’

सांसद शर्माले बाढी र पहिरोबाट आहत भएकाहरुलाई तत्काल राहतको व्यवस्था गर्न पनि सरकारलाई सचेत गराए ।





Source link

HamroAwaj

2022-09-16 15:59:42

Leave a Comment