ल्याण्डफिल साइट पुग्ने सडक नियमित पखाल्दै महानगर – HamroAwaj


२४ असोज, काठमाडौं । काठमाडौं महानगरपालिकाले बञ्चरेडाँडा ल्याण्डफिल साइट पुग्ने सडक निरन्तर पानीले पखालेर सरसफाइ गरिरहेको छ ।

महानगरका अनुसार फोहोर फालेर फर्किंदा गाडीले सडकमा हिलो बनाउने र फोहोर बोकेर जाँदा लिचेड चुहिने भएकोले नियमित एउटा ट्याङ्करले पानी हालेर सफा गरिरहेको हो ।

काठमाडौं महानगरका मेयर बालेन्द्र साह (बालेन) का सचिवालय सदस्य सुनिल लम्सालले सडक पखाल्नका लागि एउटा ट्यांकर सोही क्षेत्रमा राख्ने गरिएको बताए । करिब एक महिनादेखि सडकमा पानी हालेर पखाल्ने काम भइरहेको उनको भनाइ छ ।

‘सिसडोल र बञ्चरेडाँडा बीच भागमा पर्ने सडक खण्डमा स्थानीयलाई हिलोले सडकमा असर नहोस् र फोहोरको लिचेडले पनि असर नगरोस् भनेर दैनिक ९ हजार लिटर पानी छर्केर सफा गरिरहेका छौं’ लम्सालले भने ।

काठमाडौंबाट बञ्चरेडाँडा ल्याण्डफिल साइटमा अहिले दैनिक २ सय ५० वटा फोहोर बोक्ने गाडी जाने गरेको महानगरको भनाइ छ ।





Source link

HamroAwaj

2022-10-10 13:45:06

Leave a Comment