शारीरिक सुगठनको पहिलो स्वर्ण गण्डकीका विवेकलाई – HamroAwaj


३० असोज, पोखरा । नवौं राष्ट्रिय खेलकुद प्रतियोगिता अन्तर्गत शारीरिक सुगठनको पहिलो स्वर्ण गण्डकी प्रदेशले जितेको छ ।

पोखरा सभागृहमा भएको शारीरिक सुगठनतर्फको ५५ किलोग्राम तौल समूहमा गण्डकीका विवेक हमालले स्वर्ण जितेका हुन् ।

यस्तै बागमतीका दिनेश गोसाईंले रजत र आर्मीका रमेश फोम्बाले कांस्य पदकमा चित्त बुझाउनुपर्‍यो । स्वर्णका लागि प्रि–जज राउण्डबाट छनोट भएका ५ जनाबाट विजेता छनौट गरिएको थियो ।

प्रि–जजबाट गण्डकीका विवेक हमाल, वागमतीका गोसाई, नेपाल प्रहरीका तेजबहादुर हमाल, एपीएफका कपिल गौतम र त्रिभुवन आर्मी क्लबका फोम्बो छनोट भएका थिए ।

५५ किलो तौल समूहमा उनीहरुसँगै प्रदेश १ का अजय राजवंशी, लुम्बिनी प्रदेशका भानुभक्त कडोरिया, कर्णाली प्रदेशका प्रकाशबहादुर शाही र सुदुरपश्चिम प्रदेशका सुनिल राईका प्रतिस्पर्धा गरेका थिए ।

६० किलोग्राम तौल समूहमा नेपाल पुलिसका डेभिड बलामीले स्वर्ण, एपीएफका किसन दिवाकरले रजत र लुम्बिनी प्रदेशका सुनिल आलेले कांस्य पदक जितेका छन् ।





Source link

HamroAwaj

2022-10-16 15:07:45

Leave a Comment