खोटाङबाट प्रदेशसभामा एमालेका पाँचकर्ण राई निर्वाचित – HamroAwaj


खोटाङ, ७ मंसिर । खोटाङको प्रदेशसभा (१) बाट नेकपा एमालेका उम्मेदवार पाँचकर्ण राई निर्वाचित भएका छन् ।

संविधानसभा सदस्य रहिसकेका उनले नेकपा (एकीकृत समाजवादी) का बिरवलकाजी राईलाई १ हजार १९२ मतान्तरले पराजित गरे ।

पाँचकर्णले १३ हजार १५७ मत पाउँदा विरबलकाजीले ११ हजार ९६५ मत पाएका छन् । २०६४ को पहिलो संविधानसभा सदस्य निर्वाचनमा पराजित पाँचकर्ण राई २०७० को संविधानसभा सदस्य निर्वाचनमा भने निर्वाचित भएका थिए ।

यो क्षेत्रमा नेपाली कांग्रेसका धर्मराज पोखरेलले स्वतन्त्र उम्मेदवारी दिएक थिए । सत्तारुढ गठबन्धनको साझा उम्मेदवार एकीकृत समाजवादीका वीरबलकाजी राई भए पनि पोखरेलले बागी उम्मेदवारी दिए र ३ हजार १४५ मत ल्याए ।





Source link

HamroAwaj

2022-11-24 02:21:55

Leave a Comment