फ्राइडे रिलिज : हलमा लाग्यो सलोन बस्नेतको फिल्म ‘मिलन’ – HamroAwaj


काठमाडौं । चुनाव र विश्वकप फुटबलको माहोलबीच आज (शुक्रबार)देखि हलहरुमा सलोन बस्नेत स्टारर फिल्म ‘मिलन’ रिलिज भएको छ ।

टेक पौरखी राई निर्देशित फिल्मले मित्रताको कथा भन्छ । सलोनसहित डेब्यु कलाकारहरु कुशल ठकुरी र शिल्पा थापाको अभिनय छ । मित्रतामा युवतीको प्रवेशपछि आउने उतारचढाव यसको कथावस्तु हो ।

शिशिर बाङ्देल, सुमिना गुरुङ, जानुका पौडेल, रेजिना एक्चै मगर, डेनियल खड्का, करण थापाको समेत अभिनय छ । सलोनका फ्यान र प्रेमकथामा आधारित फिल्म रुचाउनेलाई ‘मिलन’ मनपर्न सक्छ ।

प्रिमियरमा पनि फिल्मको कथावस्तु र अभिनयपक्षको प्रशंसा भैरहेको छ । पाका निर्देशक तथा अभिनेता नीर शाहले फिल्मले दर्शकको ध्यान तान्न सक्ने बताइसकेका छन् ।

यदि फिल्मले राम्रो समीक्षा प्राप्त गर्ने हो भने ‘मिलन’लाई राम्रो व्यवसायिक मौका छ । यतिबेला हलमा नयाँ रिलिज नहुँदा यसलाई सोलो रिलिजको मौका छ । ‘महापुरुष’, ‘वाकान्डा फरेभर’सहितका अघिल्ला फिल्म नै प्रदर्शन भैरहेका छन् ।





Source link

HamroAwaj

2022-11-25 08:52:41

Leave a Comment