टौदहमा जलेवाको माछा शिकार (तस्वीरहरु) – HamroAwaj


२ पुस, काठमाडौं । काठमाडौंको दक्षिणतर्फ टौदह पोखरीमा हिजोआज जलेवा चराको सानो समूह देखिन्छ । जाडोयाममा बसाइ सरेर आउने यो चरा उपत्यकामा प्राय: यही पोखरी आसपासमा बस्छ ।

टौदहमा जलेवाले माछाको शिकार गर्छ । शनिबार बिहान ८ बजे टौदह पोखरीको डिलमा पुग्दा केही जलेवा माछा खोज्न पानीमा डुबुल्की मार्दै थिए । एकैछिनमा एउटा जलेवाले मुखमा माछा च्यापेर बाहिर निस्कियो ।

ऊसँगै पानीमा पसेका अरु जलेवाहरु उसलाई लखेट्दै माछा खोस्न खोजे । तर उसले साथीहरुबाट भाग्दै एकैछिनमा माछा निल्यो । टौदहमा बस्दा दिनभरमा यस्ता धेरै दृश्य देखिन्छ ।

भर्खरै आउन थालेकाले टौदहमा जलेवाको संख्या धेरै छैन । स्थानीय वासिन्दाहरु जाडो बढ्दै गएपछि जलेवाको संख्या पनि बढ्दै जाने बताउँछन् ।

हेर्नुहोस् तस्वीरहरु





Source link

HamroAwaj

2022-12-17 20:00:15

Leave a Comment