१८ वैशाख, काठमाडौं । नेकपा एमालेका बागमती प्रदेश कमिटी सदस्य नारायण घिमिरे काठमाडौंको एक होटलमा अर्धचेत अवस्थामा भेटिएका छन् ।
जमलको होटल कैलाशमा विष खाएको अवस्थामा फेला परेपछि उनलाई प्रहरीले उद्दार गरेर वीर अस्पताल भर्ना गराएको जिल्ला प्रहरी परिसर, काठमाडौंका एसपी सीताराम रिजालले अनलाइनखबरलाई बताए ।
रिजालका अनुसार उनी शनिबारदेखि कैलाश होटलमा बस्दै आएको पाइएको छ ।
नुवाकोटको विदुर ११ घर भएका घिमिरे बेपत्ता भएको भन्दै परिवारले आइतबार खोजतलासका लागि भन्दै काठमाडौं प्रहरीमा निवेदन दिएका थिए । उनी पछिल्लो समय तारकेश्वर नगरपालिका ९, डाँडागाउँ बस्दै आएका थिए ।
घिमिरेको कोठाबाट प्रहरीले सुसाइड नोट पनि बरामद गरेको छ । त्यसमा उल्लेखित विषयबारे प्रहरीले बताएको छैन ।
HamroAwaj
2023-05-01 22:23:49